埋數

Yeah!!!!今個月終於過target, 冇旁門左道,冇呃呃騙騙,實實在在過target

9 月份個頭開得好好架, 不過去到月中就呆下呆下, 好在月尾可以衝到上去, 好多謝同事嘅齊心合力,感受得到大家嘅念力, 同埋team work嘅力量

好認同FK嘅理念,"天時","地利""人和", 3樣缺一不可, 而"人和"更加係難能可貴, 難得大家都係咁齊心

多謝FK不斷同我互相勉勵, 互補不足, 好希望可以繼續向你學習ar, 離開是為了回來, 衷心希望你會好快回歸

一年容易.....

響9月份嘅尾聲,放左一個星期假,話雖如此, 9日假期入面, 有5日都係有工作在身, 不過都好過冇la, 起碼唔使日日朝9晚8丫

期待12月份好好放一個離開HK的假期, 到時就真係可以好好休息一下

冇電

衝,衝,衝, 衝左大半年,去到9月中呢個時候, 開始覺得好攰

當每日朝9晚8, 而枱頭仍然有廿件事未處理, 個感覺真係好攰, 真係要好好休息一下, 聽日開始, 好好立下決心, 好好整頓好張枱先得, 加油ar

秋風起

落左幾場大雨之後, 感覺到絲絲秋意, 亦開始病嘅季節, 記得舊年經常傷風, 希望今年可以叻d, 病少d

話咁快已經9月中, 收到M傳來的sms, 分享J的喜訊,有d百感交集,往日與J無所不談, 一天可以通10多次電話, 有沒盡的話題, 今天落得如此狀況, 到底當中出左咩問題呢?

曾經同一d唔關事嘅朋友討論, 得來一個緣盡的結論

JJ今天同我講, 既然你真係咁放唔開的話,點解唔主動d去問下咩事, 問個明白丫ma, 我響度諗點解冇咁做呢又??!!

係唔係我覺得自己冇問題, 況且我都已經間唔中send message俾佢, 係佢唔覆之嘛, 點解仲要由我去破冰呢, 咁會唔會係我太計較呢

Toy Story 3

因為同事買左飛唔得閒,所以轉售左2張飛俾我,亦因為咁,令我過左一個勁開心嘅星期日

TS3可以話perfect, 由一開始的重溫片段,到個ending,絕冇冷場, 有緊張, 有浪漫,有溫馨,有惹笑,仲有感動,一個好完滿嘅大結局(希望唔好有4 la)

不過其實睇2D都ok, 唔一定要3D law

亦因為攬攬熊諗起一件舊事,響好幾年前(都成廿幾歲),因為發現隻熊bear bear俾人掉左,一怒之下執行李出走,帶住當時認為最重要的家當大逃亡, 仲嬲左個劊子手幾個月(完成唔同佢講野, 可想而之,幾咁幼稚),令人懷念有處可逃,幼稚任性嘅日子....

Top Sale 屎

到底點樣可以成為一個top sale 呢
跑到數,爆target,箍到客....

咁又點為之一個好的shop manager 呢
以上幾點再加埋可以攪好d team play,清楚傳達公司嘅要求, 標準....

管1間舖同管5,6間又有咩分別呢

最奇怪係點解會有人覺得我適合呢!!!

不過試問邊個人唔係sales丫, 只係sale貨定係sale自己嘅分別啫,其實我都知自己可以係一個跑到數嘅sale, 不過係跑夠數就算個種, 但係如果要落手落腳去營運同埋管理.....好似好有壓力law

同埋sale野同管人根本係10碼子嘅事, 有排煩!!!

轉工

一讀完書就開始做Account嘅工作, 一做已經做左1x年,實在做左太耐, 好細的公司做過, 上市公司又做過...所有事都係手板眼見功夫

入左呢間公司之後,發現原來可能之前入錯行

數數手指原來都只不過響呢間公司做左2年幾, 但係好似做左5年以上咁,因為轉左position, 多左好多之前冇接觸嘅事, 多左好多野學

朋友仔成日問: 咁忙為咩, 放左工都成日落舖頭,放假又成日接call, 為咩,

我諗可能因為我真心鍾意宜家嘅工作wor, 同埋都好希望付出嘅心力, 可以會有d positive effect, 事關當見到d sales figure 不斷上升, 個人會好開心gar

雖然我最新的工作係插花.....嘻嘻

7-1

唔覺唔覺,原來2個幾月冇update過個blog
好似好忙咁,不過又唔知忙左d咩, 只係知道話咁快過左2個月

2個月入面, 睇左葉問2, 驚動了愛情,援膠女郎,十月圍城,up in the air,大兵小將. iron man2...仲有d咩呢, 唔記得lu.

發現原來少左入戲院

。。。志明與春嬌。。。

好睇，不過又唔係非看不可，不過如果你係生活響香港的話，會有好多共鳴，圍埋打邊爐係由室內禁煙之後出現的現像，由同唔識嘅人借火，到同d街坊混熟，亦都真係會出現打邊爐的時候，成枱人出晒去食煙，而淨返一個人響度打機‧‧‧

睇完之後會好開心，因為好多場口都好似響身邊發生，會好想同身邊人分享，同埋所有後巷都拍得好靚喔

好喜歡d對白，不過JJ話因為佢抄我wor

皮紋測試

因為小姨甥的關係，經常有d新體驗，今次的新活動係“指皮紋測試分析”，玩完之後，上網search左d資料：

皮紋分析對人最重要的價值是 “透過客觀的科學分析，了解先天遺傳狀態，並善用它“

幼 童 : 教養習慣的建立， 正確的教育方式與環境的給予，特殊專長的選擇
小 學 生 : 人格特質養重要階段，用對的方式與孩子互動，以增加學習與良好EQ能力
青 少 年 : 了解孩子的獨立性與差異，如何獲得同儕團體的認同，家庭的良好互動與溝通
高中大學 : 學科系的選擇，特殊專長的培養
社會人士 : 職場生涯規劃的選擇與安排，職場的專業能力運用
家庭方面 : 自我暸解與接納，兩性關係與互動溝通
工作方面 : 就業，創業或轉業的方向確認，工作能力提升職場角色扮演

測試的方法好簡單，只要把雙手十指指紋放在測試軟件上，電腦便會自動從指紋的紋形作出配對，然後就有個專人拎份report出黎分析，解釋一下小朋友個腦部發展‧‧‧盛惠$50，好抵玩ar，仲好有文有路咁添

不過個人認為果間公司好好賺law，買套software人人收$50，又可以sell下教具，好過幫人算塔羅牌，仲可以長做長有添

。。。櫻之桃與蒲公英。。。

好耐冇去戲院睇戲喇，以為要下個月先會有時間，但係響月尾居然收到2張優先場戲票，雖然入場時間差唔多10pm，都興致勃勃去湊熱鬧

「櫻之桃」和「蒲公英」分別比喻男女主角，甜蜜容易腐爛，被人喜愛的「櫻桃」是大谷；任何逆境也能生長，美麗又誠實的「蒲公英」正是佐知

故事好簡單，男人可以接受自己放蕩不堪，但要求妻子純良，口口聲聲愛著妻子，但可以同情人去自殺‧‧‧男人唔壞，女人唔愛，中外不變的題目，但因為松隆子，今人深深咁投入左個故事，無愧佢因此片在日本當上影后

松隆子，由Love Generation(1997)的辦公室少女，到今時今日的人妻，時間好似暫停左咁，仍然可以扮26歲，仲要有說服力嗰度勁

同行JC散場後，同我講左句「你都係嗰類，為著自己所愛，不計較付出嘅人」，因為呢句說話出自佢口，令我呆左2秒，冇諗過呢句說話出自佢口，會令我咁大感動，令我最驚訝係，只不過短短2、3年間，我已經變成一個唔會對感情百分百付出嘅人，套用戲中的一句話：到底應該恭喜你死唔去，定係要鼓勵你再接再厲呢！！！

大話骰

今日同朋友仔GY食lunch，一路bb巴巴訴苦水，又話公司多野跟時，又話工作困身，又話想轉工‧‧‧

GY:你米當自己係大話骰入面嘅1號骰law, 百搭ar
又係bor，心情當堂平靜晒，
雖然成餐飯都響度話：返工之嘛，為咩jet，為道氣之嘛，唔通為出糧咩，哈哈

有人俾我發洩下，果然精神晒

。。。Alice in Wonderland。。。

又一部3D電影，為左引人入戲院，一年都有10部8部3D戲上映，漸漸3D成為左一個主流，但係阿凡達珠玉在前，一對比下，愛麗斯的畫面立即變得不夠立體，變得不夠細緻，色彩對比亦不再感覺強烈

反而Alice每一套都靚到嘩嘩聲，同埋Mia Wasikowska個倔強樣好得，又一明日之星，相信日後可以紅過飾演white queen嘅Anne Hathaway

成績單

11月尾的考試，今天終於收到成績單喇

我呢d懶人，梗係臨急抱佛腳，同跟足阿sir捉嘅題目去溫習la，懶係話信心十足同埋做足準備咁入試場，心諗今次唔係distinction都一定可以pass掛，打開試題，頂！！！13個topic 貼5題，一題都唔中，即係冇溫過~~~同去考天才有咩分別，做足3個鐘，d答案完全冇信心，考完之後灰晒，心諗都係去報定下季重考都得la

收到成績單，立即去買左件衫，食杯雪糕，買埋六合彩去慶祝下添，開心唔只係因為pass左，仲因為唔使再溫習，唔使再上試場，實在太開心喇^^

Cup Cake

甜食,每個女仔都不能抗拒,如果加埋一個美麗外表,更加欲罷不能

初嚐mk的cup cake,經濟實惠,外表吸引,如果牛油可以更香濃, 甜度略略增加1/10,同埋賣埋一杯熱咖啡,就perfect la,

為左支持呢d少本經營,都會推介下俾d朋友,始終$10件, 以cup cake黎講,都算價廉物美

回氣

好似好忙，不過又唔知忙咩

日日放工都有虛脫嘅感覺，不過已經開始適應，由11月份接到通知到今時今日，足足4個月，由提心吊膽，到宜家漸入佳境，總算鬆一口氣

話時話，真正handover都只不過短短1個月，發現能力有時真係逼出lai架，宜家居然又可以偷到d時間響公司上下網，同d同事仔無聊對答，果然適應力不俗，忍唔住要讚下自己，勁ar！！！

。。。12夜。。。

第1夜 愛情就如一場大病，過了，就好
第2夜 隻有戀愛中的人纔認為他們的相遇不是偶然
第3夜 小心那些熱戀中的人，因為他們都是瘋的
第4夜 因為熱戀，再累再衰，還是可以提著早餐來見你
第5夜 男人的尊嚴都放在女人其它男人身上
第6夜 女人的尊嚴都放在他們臉上
第7夜 你快樂所以我快樂？
第8夜 女：為什麼我為你做那麼多，你都不懂得欣賞？
男：我沒要你為我做那麼多
第9夜 朋友：為什麼他一不喜歡你，你就認為自己一點用也沒有
第10夜 見到以前的情人，都覺得自己不可能喜歡過他們，原來我也不知道自己要什麼分手時都很怪對方，認為別人都對自己不好，對不起自己，後來纔知道，原來是自己不成熟。剛分手時，很恨你！覺得我你那麼好，你沒理由不要我，所以吵架時，說了些不該說的話，隻想你和我一樣難過，其實也是不成熟
第11夜 舊情復燃
第12夜 還是弄錯了

◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎◎

因為電視又重播，所以又睇，睇左x次，仍然覺得張栢芝好靚，仍然好喜歡她的曲髮，仍然感動，仍然喜歡陳奕迅的黑夜不再來

。。。Time Traveler’s Wife。。。

感動，不過唔係流眼淚個隻

可能係改編自小說，所以個故事好完整，數說著一個人不能控制生活在那一個時空下一生，因為可以預知，所以可以做好預備，可以補償

可惜我地只可以活在當下

。。。我愛紐約。。。

上次愛巴黎，今次愛紐約

終於了解自己唔喜歡太短篇的故事，發現原來我可以坐3個鐘去睇一齣悶戲，都唔可以少少少少咁去細味呢類型小品，可能因為咁多個故事冇關連掛，好喜歡老人家同演員呢兩段，丫仲有小偷，同埋Maggie Q‧‧‧其實每一段都好好睇

同埋令我鈎起好多上次去紐約的回憶，沒有去紐約公園係一個遺憾，可唔可以響個簽證仲有效可以去一次呢

。。。蘇乞兒。。。

袁和平導演，好耐冇睇硬橋硬馬的功夫戲喇，仲有3D添，梗要去捧下場la

個人喜歡李連杰多於趙文卓，但係卓卓又好過全宇宙最好打的甄子丹好多，不過如果周杰倫的角色換了俾劉家輝，相信成部戲都會好變得合理好多‧‧‧

不過點解會一路睇一路諗起周星星的蘇察哈爾燦，原來安志杰都幾打得，個樣又唔差，希望佢可以挨出頭la

月事

一個月打一次blog，仲唔係月事‧‧‧

唔係冇野想記下，只不過太多時候返到屋企都只係想呆坐，唔想再對住部電腦
不過好開心wor，原來有d朋友仔會間唔中到訪我個blog，雖然我咁耐都冇update過，為左關心的嘅朋友仔，我會keep住寫落去，繼續寫下影評，繼續寫下d冇聊日常小事

。。。The Imaginarium of Doctor Parnassus。。。

看了一齣冇打算會看的戲，如果唔係遺作，會唔會吸引到人入場呢，又如果一直只有一個Heath Ledger，又會唔會變得好平凡呢，反而我覺得Lily Cole好特別，雖然佢完全唔似16歲，同埋我唔明佢點解要除衫，不過我真係覺得佢好sexy，令人念念不忘

IMAX

因為巨幕，因為阿凡達，所以又去一次iSquare

iMax個畫面真係好靚、好清，好立體，同埋音響都好好，地點又方便wor，可惜丫，坐響全戲院的正中位置，仍然係會望到銀幕的邊位，都唔明咁大投資，就唔差在個少少空間，每邊只不過留多一兩呎左右，唔好攞到d位咁盡，已經完全唔同晒，仲有我真係唔極度超級like佢張凳，坐2個幾鐘，真係好辛苦ar，所以要我揀的話，The Grand仍然係我首選

同一部戲可以令我入戲院睇2次，係因為響屋企係冇可能睇到呢個畫面，如果仍然未去戲院睇阿凡達的話，可以考慮去iMax，不過真係好難買飛

。。。秋田犬八千。。。

跟友人提起去睇呢部戲，得到的反應係：下，你又啱，你完全唔似喜歡狗狗wor‧‧‧

事實上有得揀，我確係比較喜歡貓，不過問心我只係鍾意d未成年小動物，一完成個成長期，佢地個樣會變晒，完全唔可愛，同埋照顧一隻寵物，所付出的心血不比照顧一個人少，不值得

撐得太遠，賺人熱淚，係呢部戲的賣點，so far佢可以完成任務，不過事實上又唔算真係好感人，都只不過係我眼淺，不過估唔到一隻成年的秋田犬可以咁大隻，同埋d毛可以咁厚，同埋我好想知道最後的八千到底係化左一個老妝、用電腦執、定係一隻老左的秋田犬就係咁嘅樣呢

。。。27 Dresses。。。

一個女仔當27次伴娘，都仲未嫁得出，仲未知自己要咩

劇情真係簡單到爆，橋段同大口茱的走佬俏新娘差不多，而如果要睇等愛的女人，我會揀單身大作戰，起碼得啖笑

Katherine Heigl因呢齣戲令佢片約不斷，係因為宜家荷里活好似幾缺乏呢類型的健康傻大姐

。。。Paris, je t’aime。。。

5分鐘一個故事，18個導演，18個故事，穿梭法國多個地區

每個故事都好特別，比較有印象的有默劇演員遇上他的女主角，父女對話，仲有媽媽跨區工作去當褓姆，有令人回味，亦有令人想fast forward

到底用5分鐘說一個故事難，還是用150分鐘去說故事難，相信要比較都好難，睇完之後好似發生左好多事咁，但又好似唔係好實在，個感覺好虛浮，可能又係因為法文的原因‧‧‧

。。。風聲。。。

上映時已經想去捧場，一直未能配合，終於看了，有d喜出望外~~~

看內地片，要有準備故事情節多少要配合國內的標準，但又因為係講日治時期，所以又唔會覺得好不能接受

所有審問時用刑的片段，大部份都以聲效交代，仍然可以感受到果種殘酷，同埋大宅內的氣氛，絕對顯現出導演與剪接的功力，另外在好早段誰是老鬼，已經呼之欲出，個結尾解開當中一切的伏線，亦令成齣戲變得完整

另一位要注意的國內男星─張涵予

。。。Coco Before Chanel。。。

全片法語對白，靚人、靚衫、靚景不用多講

反而想講當Coco遇上Boy之前，一直沒有笑容，之前所做的只為生活，當遇上一個懂得欣賞而又有能力支持她放手追夢的人，所有才華都得以發揮，個種從心而發的笑容，實在令人感動

要遇上愛你的人不難，但要遇到在未經雕琢時已懂得欣賞你的人，真係修來的福氣

戲院新體驗

對一個極喜歡入戲院的人，新院上場，絕對係一件大事

當iSquare的戲院開幕，急不及待一親芳澤，以一間新戲院的標準，絕對令我大失所望，座位的設計有如我至討厭的又一城AMC，又斜又窄，膝頭更加係與前排座位緊貼，中場為免影響旁人，只好一直死忍，唔敢去洗手間，可取之處係地點方便，同埋音響效果非常之好，可惜俾我會零願多走兩步去較舊的海運又或者繼續去我的至愛，不過宜家The Grand都好難買飛lu

希望工程

友人戲言：你每日出門之前塗塗抹抹，都只不過係一個希望工程，希望睇落去靚D

人生根本就係一個希望工程，希望成家立業，希望健康美麗，又或者希望中六合彩，人生應該充滿希望，凡事盡力而為，就係希望可以有一日可以成功，所以抱有希望，就係面對難關時最大的推動力

家庭日

除節慶又或者阿婆生日之外，好少會幾個家庭一齊總動員聚會，今日好難得咁聚首一堂，齊齊BB焦，真係好開心，四代同堂，有日本回歸的表弟，有一直以為虛構的表弟女友，有人鋤啤，有人打機，有好多笑聲，好熱鬧，好享受身處其中，好似過年一樣，

今日阿婆金句：D野留返俾男人做，由其係D家務

我咁聽老人家說話，一定會銘記於心，哈哈

學習

今年有一個新課題 ─ 成長

一直明白去到的位置越高，肩負的就越多，所以選擇享受生活，遊樂人間，從來都拒絕承擔，曾和友人戲言，當各人都為功課、工作付出的時候，我卻在享樂，過住退休一樣的生活，而當各人開始收成的時候，我又蠢蠢欲動，不甘再處於同一個位置，當有一個疑似機會在面前時，係時候去嘗試一下，唔好再捨難取易，告別練精學懶﹝雖然我已經成精，哈哈﹞，既然感情生活已經唔再係要費心嘅事，咁不如試下發展一下事業，相信明年又會有另一番風景﹝我信一定可以的﹞

Happy New Year