窩心

今次展覽嘅主題係"無相"& "空"
即是不執著, 要看破眼前的所有
明白到所有事都捉不住, 當下應學習珍惜
人生苦多樂少, 更應該好好活著
由於所有人事都有關聯,
昨日因, 今日果, 為未來更平坦, 更愉悅
善念善心應由今日起

連續工作20日, 精神&體力上的大挑戰

感激K先生的一直支持&包容

奇事

自問從來都唔易相處

點解K先生會覺得我咁特別呢, 響佢眼中我好似好多優點,
好到一個地步, 我懷疑跟本都唔係我
點解會咁呢

佢又幾時會突然清醒, 發現係一場誤會呢

失眠

人家失眠是到天光都睡不了,
而我..
就是一大早醒過來....

呢2個星期, 每天都是6,7點醒過來
今日居然5點多........
唔通仲要挨多半個月
唉

漸漸

友人跟我說了一個漸漸嘅故事:

一名女子, 因為一份高薪文員的廣告去應徵
入職時只是擔當文員嘅工作
一天主管跟她說:今天人手不足, 你可唔可以幫手添酒, 只是添酒, 我可以多給你一點工資
又一天, 主管又跟她說:今天人手不足, 你可唔可以幫手伴唱一下, 我可以再多給你一點
再過一後時間, 主管又跟她說:今天人手不足, 你可唔可以陪人客出去玩玩,你可以得到更多

漸漸的影響有多大
當底線一天一天降低......應徵文員可以漸漸去到當陪瞓員

到底已經迷失自我,漸漸隨波逐流
定係真係已心死, 只不過等夠期呢?

改變

近日與新認識的朋友一直在走
他陪我走了很多的路,聽我訴說了很多的事
當以為可以重新出發的時候
又暗暗覺得好像不是預期中咁順利

之前一直認為咁筍, 居然市面仲有咁好嘅男人,未俾人mark住
仲可以漏入我手?
相處下來, 又覺得在價值觀上, 眼界上, 同埋一d細眉細眼處
好像有DD距離

我係唔係變得太清醒呢??定係仲未放低.......

戀愛大過天

呢頭又痛又傷心, 又話要生要死, 個頭已經收拾心情重新上路

上任我已經覺得100%合適, 可惜不能走下去
愛一個上一課
希望下任能更好更好

友人提醒, 叫我唔好再一頭栽進去, 要先分析, 細心考慮.......
要學習忍耐與觀察

但係今早接了一個電話,對方只是簡單一句:
今早好忙, 忙完我立即打俾你, 怕你唔知咩事, 會唔會好嚴重...

我個心已經軟晒, 又開始響雲上面咁喇
果然幼稚, 對方咩都冇做過, 就已經想送條頸埋去死
無藥可救, 哈哈

活色生香

今日去了青霞姐姐在書展的分享會

舉手投足間的女人味, 一揮手一微笑, 都看得人賞心悅目

慶幸可參與其中

閒事

難得早收工, 未夠7點行出公司門口,
去IFC亂逛一圈之後, 慢慢行出碼頭, 享受住橙黃色的夕陽, 心情好得不能形容

坐著渡輪,望住因書展而燈光火著的會展, 天慢慢轉成藍色
再望向ICC的方向, 仍然留有一絲淡淡的橙色天空
心想:如果要日日都感受到呢個magic moment, 係唔係要去西環返工呢, 時間會唔會變得充裕一D?

感覺真係好好, 愛剎呢個美麗的香港

寵物

住處的地舖是一所動物診所, 整天都有很多動物去睇病

早2晚返屋企, 見到4個大男人用毛巾抬著一條狗出來, 當時心想, 隻狗係唔係做完手術, 定係病得好重, 點知望清楚, 原來大家係把狗狗搬上一架善終服務的貨van

好shock, 跟住仲同2個滿眼通紅的女子打了個照面

一直走到大堂, 我都仲諗住"喃嘸阿彌陀佛,喃嘸阿彌陀佛,你下世唔好再做狗喇"
之後念頭又一轉, 你今世都做了好事, 起碼你都令到一家人快樂
之後我又諗你地都唔好太傷心, 起碼你地都俾左一個溫暖嘅家佢
希望你地唔好傷心咁耐

一直覺得養動物係一件付出好多嘅事
金錢時間已經唔好提, 仲有生離死別, 人生都已然有咁多事要傷神費心
何必仲要多加一件事物去令自己傷心呢
始終動物係唔會夠人長命

活在當下

近日友人常提醒我的一句話"活在當下"

今日我地分享左2件小事

友人坐地鐵時, 見一少女在車廂入面喊,佢話覺得宜家嘅情緒冇俾另一個人牽動著,覺得好幸福

而我呢, 下午獨自去花墟逛,觀賞左好多特別嘅花, 雖然貴到我唔捨得買,但係見過都覺得好開心, 都自覺好幸福

原來幸福同開心都可以好簡單
雖然我仍然渴望身邊會有另一個人可以同行
但係目前的生活都係好自在

心情惡劣

都唔明果d咩人, 咁唔放心,米自己去飽佢law
做咩要逼我日日對住佢jet
真係想死

都唔明果d咩人, 要1字1眼都用佢d wording，
係米癡線ga, 正一強逼症
意思1鬼樣米得law
連wording都一樣, 仲要連次序都唔可以調轉,
係唔係有病ga
我唔想再見到佢law

聽日仲要對4個鐘
唔通佢真係想逼我辭職!!!!

仲要俾另一個x人話:你今日係唔係表現好差ar
我頂你ar, 我米話:點講都唔夠你好law
唔該你地米玩x我la
我聽日真係唔同你地癲

舊友

尋日與一位舊友見面，同佢講左一d近日嘅狀況

佢送左一個緊緊嘅擁抱俾我，
加埋一句：生活總有高低，不過時間總會過，過左就冇事

立即淚如雨下，感激呢位舊友，到今天都仍只記得我嘅好

希望你生活繼續過得順心合意，及珍惜你的好運氣
在有能力時多多幫助別人

時間是最有效的止痛藥

過去的3年多, 所有的空閒時間都用左去等

等收工, 等空檔,等答案
由滿懷信心,等到逃避問題,等到不聞不問,
最終一走了之

分開後一直問點解
點解你可以口口聲聲話愛我,
又唔去改變個處境
又唔會為我地嘅將來打算
如果冇將來, 咁糾纏落去又有咩意思
一直問點解你要傷害我

問左200次之後, 終於有一個答案
原來傷害我嘅人, 根本係我自己
如果我冇咁任性, 去開始一段不應開始的關係
今日係唔會受傷的

而呢d錯誤, 我又唔係第一次遇上
咁即係我有問題la

所以我同自己講,
幾傷心都好, 宣洩左就算
唔好真係再次纏上
要好好收拾心情
不要再有下次了

錯誤重複得太多了

半年結

6月尾, 半年....好似發生了好多事, 又好似冇咩事,咁就半年

年頭話想出門, 一走就去左10日, 歐洲4國, 好開心, 好期待可以再去

5月尾一時衝動,開口去結束了一段3年多嘅感情
事隔1個月, 心情仍然未平服,
冇想過原來係傷得咁深,
冇想過原來係咁難放下
以為已經可有可冇
原來一切都比自己想像的多,
唉...

2011

2011年第一篇blog, 居然要去到2 月份先有, 哈哈

今年定了一個新目標, 要每年去一個未到過嘅地方

響目標未定立前, 1 月尾飛了一轉Bangkok,

爽到呢...

可以離開呢個就黎凍到會落雪嘅HK

可以離開一個唔太開心嘅工作環境

日日咩都唔諗, 淨係按摩同食餐好

真係唔想再返黎law

終於明白日日要返一份唔太想返嘅工嘅原因係咩law