。。。神探福爾摩B。。。

偵探片從來都唔係我杯茶，不過呢齣似係動作片多D囉，不經不覺2個半鐘，Robert Downey 個樣好古惑，唔似一慣的福爾摩斯，不過又好吸引人，同Jude Law好有火花，好演繹得出個種拍檔的互信，同埋好舖排一定有下集囉，總言之齣戲不過不失，響屋企睇同去戲院都冇所謂

冷冷冷

好凍ar, 各位take care

。。。吸血新世紀2新月傳奇。。。

因為看了第1集，收看第2集變得理所當然，情況有如哈里波特，開始左就會1集1集追落去

一齣完全為吸引女觀眾﹝讀者﹞的作品，百年彊屍﹝Edward﹞，有錢，有品味仲要深情，居然情迷一個18歲0靚妹﹝Bella﹞，而個0靚妹未夠18歲就已經開始怕老，想到一個持久過打botox的方法去駐顏，就係把心一橫變埋做彊屍，好嘞到隻彊屍失蹤，又有一隻人狼大隻男﹝Jacob﹞常伴左右，徘徊冰火兩極之間，滿足各少、中女的心底慾望，但係個ending睇到火起

Edward：Thanks, 你呢段時間照顧Bella
Jacob：我咁做唔係因為你
Bella：Edward，等我同佢講
Bella：Jacob, I Love you, 不過你唔好要我揀，因為從一開始我都只會揀佢

頂x 200萬law，贏左仲要攞彩，咁冇品，幾靚仔冇用啦，仲話做左百幾年彊屍

。。。Avatar。。。

不討論劇情，因為故事可以話沒有新意，是影射白人侵略美州大陸好，或是提醒世人珍惜地球亦好，總言之就是一個簡單的故事

但要用2個半鐘包裝一個簡單故事，就一定要提供大量亮麗畫面，先至可以留住觀眾的注意力

一個天馬行空的國度，所有生物，植物都係一種創作，人與人，人與動物的溝通方法，都係一個湛新的方式，不得不佩服幕後製作人的心思，好想再去imax睇一次，想感受一下，透過巨幕呢個Pandora有幾靚

。。。花木蘭。。。

唧唧複唧唧，木蘭當戶織
不聞機杼聲，唯聞女歎息

問女何所思，問女何所憶

女亦無所思，女亦無所憶

昨夜見軍帖，可汗大點兵

軍書十二卷，卷卷有爺名

阿爺無大兒，木蘭無長兄

願為市鞍馬，從此替爺征

‧‧‧

去睇花木蘭，令我諗起呢篇課文，記得當時要背默，估唔到相隔X年，仍然記憶猶新，當然唔可能完整背出啦

整部戲的場境都有一種好蒼茫嘅感覺，因為要保護國家，所有兒女私情都要靠邊站，所有事都係無奈

每次睇戰爭片都會好感慨，我們身處一個平安的地方，唔需要上戰場，唔需付出性命，實在幸福

胡軍─剛陽、豪邁，香港好似未有一個同類型的男星，

陳坤─陰柔、文弱，兩者好大的對比，2個都係內地演員，2個我都喜歡

北上消費﹝玩、下﹞

冇諗過會響深圳睇戲，但係因為想食埋晚飯先返香港，只好搵d節目殺時間，由於唔想去按摩，所以與友人決定去睇戲，個感覺幾新鮮﹝果然大鄉里﹞

戲是新上映的花木蘭，一齣原本已經打算去睇嘅戲，票價RMB50，(高消費呢，內地人平均月入都只不過4,5千) 其實都係一般迷你戲院格局，但係保留左闊銀幕，激讃﹝至憎又一城個窄銀幕，零願響屋企睇電視﹞我地睇果間院只有7行，不過第一行距離銀幕仲好遠，換轉響香港，一定會放多3行櫈

間戲院開左4年，所有野都好新淨，又坐得舒服，下晝5點幾有8成入坐﹝可能位少﹞一開場就好似時光倒流咁，d手提電話不斷響，簡直環迴立體聲，左邊電話響，右邊遠處傳來「係呀，睇緊戲ar‧‧‧」唔係得一個人講wor，仲要個個都講幾分鐘wor，其他觀眾又好似好習慣bor，果然大開眼界，仲有d帶位員好專業ar，響最後一句對白講完，立即開燈，係立即，極有效率呀~~~

最滿足係睇左《風雲2》、《十月圍城》預告片，好吸引呢

又係無聊對話一則，發生在買飛時
winc：花木蘭唔知係唔係講普通話呢
友：梗係
winc：死啦，會唔會冇字幕架
友：冇都唔緊要la，聽得明la
winc：下，我睇宮心計都追字幕架bor
友：咁你自己問售票員嘞
winc：﹝已經出左飛，面矇矇走返埋去﹞請問有冇字幕呢？
售票員A：唔好意思，我未睇唔知，幫你問下
售票員B﹝搭咀﹞：我頭先睇左，有
(佢個表情話我知，佢係剛剛入左去睇免費場)

整體黎講，是次港燦出城，都玩得幾開心，不過太多時間唔知同d服務員講咩話好，以為廣東話時，佢就煲冬瓜，永遠都仲佢地唔到，正

北上消費﹝玩﹞

第一次出城，梗係要去下d地標先，今次去左金光華廣場，個感覺有d似太古廣場，都係賣一d名牌，地方好大，不過遊人唔多﹝可能唔係咁多我呢類無謂人la﹞，好喜歡商場嘅聖誕怖置，金色聖誕鹿，好靚

閒逛時，
友：你有冇留意到內地人拍拖，係唔會拖住行街架
win：係咩，冇拖手你都知人地拍緊拖
友：哈哈哈哈，你留意下la，真係唔會拖手呢，拖手個d一定係港女，唔信你去聽下佢地係唔係講廣東話
win：深圳人都係講廣東話bor

跟住我地就開始追蹤d疑似情侶la，發現2個男人，or 2個女仔拖住手行街就有好多，1男1女可能並肩行，相差只有2cm，但真係唔拖手wor，估唔到1橋之隔，有呢種差異，但係點解我地又可以肯定佢地係情侶呢！

因為未夠鐘又食飯，同友人去左睇戲﹝幾爆﹞，後續‧‧‧

北上消費﹝食﹞

此行一共2餐，1重1輕，重嘅係：大漁鐵板燒，RMB150任飲任食，任飲包括果汁，汽水，啤酒，清酒，紅酒，花茶，咩都有，任食就有沙律，刺身，壽司，天婦羅，羊架，牛排，甜品‧‧‧不能盡錄，服務唔錯，鐵板師傅會提你，仲有幾多野未食，提你加單，幾好，不過我覺得抵食，但係唔好食，唔會再去，亦都唔會介紹俾朋友，友人話佢上次幫襯個間平d&質素又高d，期待ing

另外1餐輕食，就去左一茶一坐，曾經響上海食過，印象幾好，事關要殺時間等睇戲，所以響仍未飽完嘅情況下又食一餐，本來想食甜點，可惜要果樣冇果樣，只好求其叫左d咸點，同飲杯野，不過不失la，反而牆上的告示，藉得一睇

北上消費﹝買﹞

一直抗拒去深圳消費，雖然都曾經去過深圳嘅的士夠格，亦都去過沖涼DUM骨，之前都有當地人帶路，今次正正式式深圳自由行，個感覺真係好新鮮

因為未去過皇崗(幾娘！) 所以由旺角坐直通車出發，好快，車程35分鐘已經到達，其實坐火車(港鐵先啱，不過真係改唔到口)仲直接，起碼一地2檢唔使周圍走，一出就係(深圳)地鐵福田站，最遠都只不過係RMB3一程，下次都係唔好坐巴士

第一站係少年宮--書城，好大ar，大嘅程度係可以消磨半日時間,設有有幾台電腦方便D讀者搵書，只要輸入書名OR作者，就可以睇到有冇貨，同埋所放位置，超方便，如果我識打倉頡又會好少少，因為只得其中一台可以用速成輸入，本黎打算到此一遊就算，費時抬住D書周圍走LA，但係當見到《兄弟上、下冊》加埋都只不過係RMB50，響香港一本上冊都買唔到LA，簡直係唔買對唔住自己，最終非常忍手都買左幾本，好在同行友人非常有義氣，一直出手相助，如果唔係，應該要早早返香港

完事

有出席，仲完成埋添，沿途一路影相，行下又跑下，冇想像中咁困難，有興趣嘅朋友，出年一齊參加丫，仲有多謝各位好友關心同支持

。。。2012。。。

同The Day After Tomorrow比，故事性唔夠強，同埋d感動位好堆砌囉，不過我又受喎，因為全部都係圍繞親情，去到末日，如果有能力可以帶走的一定係至親，呢d係不變的人性

其實我又好唔明，點解咁多人話部戲討好中國，明明喜瑪拉雅山真係中國境內，咁d船唔整響最高山脈，唔通整響美國內陸咩，同埋明明話d中國人走後門，唔經正途買飛，偷偷地上船，莫非呢d反映現實，唔算抹黑‧‧‧

郊遊樂

天朗氣清，最好節目莫過於郊遊，今次目的地 ─ 嘉道理農場

跟友人又火車，又巴士，終於去到目的地﹝已經下午2點幾﹞好開心呀，好多動物，有家豬，野豬，仲有貓頭鷹，同鱷魚添‧‧‧原來嘉道理農場佔地好大架，除左動物之外，仲有一個大山頭，大瀑布 & 農地，種左好多有機菜，同埋香草，如果一早去，仲可以坐接駁車，直接上到山頂，慢慢行落山，幾咁優遊

以上全部係入口處，服務員姐姐拎住張地圖介紹，10蚊入場，經濟又實惠，未出發，先興奮

如果宜家係春天，又或者夏天，應該以上全部都有，可惜太凍喇，所有爬蟲類都要冬眠，同埋D樹又黃又乾，瀑布又同個銀包一樣咁缺水，加埋太晏出發，接駁車的車票已經派晒，哈哈，不過都可以見到午餐肉包裝紙上的大花豬，好大隻呀，有成四五尺高，肚皮貼晒地，好攪笑，明年夏天再去一次，我想睇鱷魚同瀑布呀！！！

選手包包

下星期日就係跑10km的大日子，但係完全未準備好喎~~~去唔去好呢，睇下呢個星期仲係唔係咁凍先得，仲係咁凍的話，大家都唔好怪我甩底，話晒病左成個月，唔想又冷親﹝果然係一個藉口皇﹞

美事

今朝一早醒左，響廚房見到浸發中的鮑魚，立即精神為之一振，唔知幾時先有得食呢

天價

乾隆皇帝玉璽-蘇富比拍賣會4560萬港元成交
天璽-位於九龍站，高層單位成交價3000多萬

滔友人光有幸參觀一個位於尖沙咀2千多萬的豪宅，居高臨下，維港兩岸盡收眼底，真係好靚，可以想像當維港放煙花，何其壯觀，仲有一個金碧輝煌嘅洗手間添~~~

參觀過後，聯想到一D無聊問題：

• 窗外個景靚成咁，返到屋企係唔係都仲係掛住睇宮心計呢???
• 800尺，一房一廳，個工人呢，一齊瞓房，定係要另外搵個地方安置??? ﹝冇理由買得起呢d豪宅，唔請個賓賓ar﹞
• 間屋貴成咁，不過西斜喎，又話要買向南樓嘅???
• 個濕左嘅地拖放邊度好呢，個廚房同廁左都放唔到，唔通放響個廳度???
• 個廁所冇窗，米會好焗囉???
• 半島酒店，一間海景套房$10,000晚，2千萬可以住5年半，咁買層樓又好似抵d喎!!!

。。。無痛失戀。。。

看完整齣戲之後，有4個最大的感受：

其1：刪除記憶唔難，整理舊關係的片段，反而最令人難受
點解要提供所有相關的物品，過程太殘忍嘞，不斷回想，不斷複述，越看越心酸

其2：洗去一段記憶，可以忘記所有痛苦，但當中快樂嘅片段呢，真係完全不值得保留‧‧‧

其3：因為沒有記憶，當再重遇(定係重新認識)，會唔會仍然被對方吸引
相信會，因為當日互相吸引的特質並沒有改變，只係冇左變壞嘅記憶，再次互相吸引實在太正常

最後：當知道眼前人曾經相愛相分，曾經互相傷害，會唔會再博一次

Joel: I can't see anything I don't like about you, I think I can't.
Clementine: But you will, but you will! You know, you will woolgathering, and I'll get bored with you and feel trapped because that's what happened with me.
Joel: Okay.
Clementine: ...... Okay?
Joel : Okay.

所有走出失戀之苦的人，都適合睇的戲

同埋荷蘭真係發明左一隻藥，可以干擾腦記憶，從而忘記憂傷和痛楚，但係我零願保留所有愛與痛，都不願遺忘

刺蝟

「寒冷的冬天，一群刺蝟為了取暖，靠得愈來愈近，當太接近時便互相刺痛對方，唯有分開，之後冷得發抖，又從新靠近，又刺痛對方，周而復始。」

─ 叔本華 ─

刺蝟膽小，當感到不安時，就會蜷曲成海膽般的模樣，用以自我保護

當一個人遇到極大的創傷，大腦亦會選擇地刪去該段記憶

一星期上兩晚課，跑兩晚步，一切都只因要排解內心的寂寞，一直在維持一段連自己都不敢面對的感情，當不再逃避，認真地面對一切的時候，發現原來已經傷得太深，感激友人的支持，亦嚴正地指出一個道理：未能到達終點，只因未夠堅持，未能相愛，只因用情未夠深，一切一切未能成功，都只因決心不夠

決定不再逃避

上一次流淚 ─ 林一峰

※※※※※※※※※※※※※※※※※※※※※
那天　不小心洗去你口訊
才有欲哭的衝動
認清生疏了的情人
再也無權令手機接通

我應該　不記得為何你吸引
饒恕自己的不幸
但當我想到你的傳聞
這雙手竟再震

人都分開了　唯有親手自己治療
如發泄是生理需要　為何眼淚會缺少

如能為你哭　哭得出眼淚
失眠　至少能睡
想起你如何不對　怎麼我還要追

原來上次哭　哭不出眼淚
感情　不進則退

感激我們成熟了　應知道流淚有罪
承受任何是非都能捱下去

我都想假裝只得一歲
為你當街的出走也說得過去

這一刻　不小心想到你的吻
難過但安守本份

為一個不愛我的壞人　我早得到教訓
※※※※※※※※※※※※※※※※※※※※※

當第一次聽到林一峰唱出「上一次流淚」時，
眼淚一直流，好傷感，比原唱者唱得更有感染力

從來都係一個感情豐富嘅人，會因小事而大笑、黑面、頓足‧‧‧
收到您傳來的訊息，不論身在何處，我都只懂不斷流淚

我願意-王菲

※※※※※※※※※※※※※※※※※※※※※※※※※※※※※
思念是一種很玄的東西　如影隨行 無聲又無息
出沒在心底　轉眼　吞沒我在寂寞裡

我無力抗拒　特別是夜裡
想你到無法呼吸
恨不能立即　朝你狂奔去　

大聲的告訴
你願意為你　我願意為你 我願意為你　
忘記我姓名
就算多一秒　停留在你懷裡
失去世界也不可惜

願意為你　我願意為你 我願意為你
被放逐天際
只要你真心　拿愛與我回應

什麼都願意　什麼都願意　
為你我什麼都願意　什麼都願意　為你
※※※※※※※※※※※※※※※※※※※※※※※※※※※

一首好歌，可以像一首詩

。。。單身大作戰。。。

比較喜歡英文名「The Ugly Truth」，因為由劇照到整部電影，都係圍繞男人擇偶都係以下半身思考，並唔係考慮下半生。

電影入面男女大不同，女人會列一個check list，當對象乎合若干條件，就會考慮嘗試發展，當未發展成熟，已經諗到日後會點會點，男人呢只要合眼緣，就會聯想到性，往往到發生關係後，先會再考慮眼前人係唔係適合

但係現實呢，平凡人邊個唔係以貌取人，邊個唔會set一d擇偶條件丫

曾經聽某人提及，發展一段愛情應該用心去感受對方，若然只著眼對方嘅外在條件，只不過係用大腦去控制愛上對方，並唔可以長久，有愛先可以包容所有的不足，所以應該學懂先用心感受對方的愛

楊千嬅 – 原來過得很快樂

原來在快樂中便得必明白快樂
原來愉快共處未必需要學
看情人安躺　看耐了不會自覺　衣著厚薄

原來在他枕邊儘管失眠未畏懼
連自私地吵醒他都是對
未怕被嫌討厭　過份如嫌我顧慮
傻或錯　有心知他允許

原來安心　才能開心
誰還管笑容可吸引
從此纏綿的手勢　塗鴉般都不要緊
遺忘缺憾未靠修行
亦再不必證實我多麽勇敢
找到使我自信的人自然會一直動人
**

原來極盼望的幸福可來自意外
原來未靠付出亦得到厚待
從前要被喝采　要被愛刻意自愛　怎會自在

原來誓要做到第一可能是障礙
能坐擁夢想未出於競賽
若對象屬於我　愛情長留脈搏內
門合上　也不擔心躺開

**未完美便會一直動人

曾經與某人一吻　動心得不放心
如此小心再愛亦不合襯



林夕果然偏愛楊千嬅,真命天子後,又一首度身訂做

生活方針

一，要考慮到，濃情烈愛與豐功偉業都蘊含着極大的風險。
二，即使失敗了，也別錯過其中的教訓。
三，遵守三個原則：尊重自己；尊重別人；為個人一切行為負責。
四，別忘了，塞翁失馬，焉知非福。
五，先弄懂規則，才會知道該如何適切地打破繩規。
六，別讓小小的爭執傷害到深層的關係。
七，發現自己犯了錯的時候，立即採取補救措施。
八，每天花點時間獨處。
九，擁抱變革，但也要堅守個人價值觀。
十，請牢記在心，保持緘默，有時候是最好的答覆。
十一，生活誠實正直，那麼，老來回首前塵時，就可以重溫生之喜悅。
十二，家中氣氛和諧安樂，即是你這一生的基石。
十三，和親人意見相左時，請就事論事，別翻舊賬。
十四，和他人分享知識。這是永垂不朽的途徑之一。
十五，善待地球。
十六，每年拜訪一個你從未涉足過的地方。
十七，請記住，所謂最佳關係是指，雙方對彼此的愛，凌駕在雙方對彼此的需索之上。
十八，看看你在成功之前必須放棄多少，就足可衡量成功的程度。
十九，愛和烹飪之道，在於恣意任性而為。

取自<蘋果日報>-李怡-智慧曼陀羅

。。。極速緋聞。。。

溫馨小品，車太弦唔扮靚仔，童星超可愛，仲可以彈得一手好琴，女主角唱歌好有感染力，令人好感動

片中道出左一個真理，好多事都只不過因為自己以為自己好重要，張自己放大左，當面對現實時，並唔係咁重要，同埋橫樹俾人踢爆左，不如盡地一煲，轉形象，仲可能有一線生機，(點解令我想起劉天王呢)生機唔係一定要種，但一定要變通，先可以扭轉困局

。。。死神4來了。。。

由未上映，到差不多落畫，左約右約，終於睇左

如果有睇過頭3集，冇理由冇興趣去一試3-D版嘅刺激，一定會好想去睇d角色點死，同埋d血點樣標埋嚟，其實d場面設計已經可以預期得到，有晒足夠時候去做心理準備，所以始終最好睇都係第一集，好在無去睇3-D版，因為一如所料，所有超血腥場面，我都係遮住對眼囉，咩都冇睇到，哈哈

。。。建國大業。。。

其實係幾想睇，好奇一齣國慶劇可以點樣拍，友人提出有興趣，我立即盤算去買飛

要申報左先，宋家皇朝，刀馬旦，村島芳子，七小福，霸王別姬，我都覺得好好睇，而呢齣戲呢，由頭到尾平鋪直敍，冇話歌頌或者偏袒任何人，唔好當一部戲去睇，個感覺可能會好d，或者當成一個數星星嘅節目，可能有助提起興趣

。。。偽能叛變。。。

一唔睇一路問到底想點，如果有一日可以足不出戶，有個機械人or替身代你出街，﹝其實都幾叮噹橋段﹞，所有事都只不過透過眼睛去接收&感受，即係話1日打20hrs online game，到底會唔會好攰呢

當調戲緊1位金髮美女時，背後的真身可能係1個大肥佬，同宜家網上交友都幾似，哈哈！！！

由始至終，只喜歡與真人接觸，直接對話總比以鍵盤傾談痛快，可惜都市人的時間表實在太密集，相約見面實在太費勁


記得10數年前，手雞仲未普及，只可以用公司/屋企電話約人，爽約嘅情況比宜家少好多好多，記得5年前有位舊友，打到家中找我

winc： 你點解打去我屋企
jf： 唔見左手機，完全諗唔到你個手機號碼，唯有打去你屋企la
winc： 咁你又記得我屋企個number
jf： 以前你冇手機，我都係打去你屋企啦
winc: 又係，好在搬屋有搬埋個電話number，如果唔係你米搵我唔到
jf： 有心要搵1個人，唔會搵唔到，同埋小姐你唔好成日轉手機number米得law
winc： 我點知呢個時勢，仲有人記number，而唔係用phone book jet

大家要知道呢位舊友，曾經出走多年，當時仲已經冇同我電話聯絡3年以上，不過日日MSN，JF原來我地已經相識20年la，雖然1年都見唔到1次，但係我知我地都會互相珍惜，另一位遠在花旗國的KT，我對你同樣珍惜

禮儀師の奏鳴曲

一貫日本片, 美指好好, 唔係我杯茶, 所以唔評論

電視日

睇左1日電視，由西遊記開始，直落到美女廚房

建國六十年
49年建國，經過大躍進，文革，計劃經濟，特色社會主義，
呢60年中國變化之大真係難以置信，可以用10年時間摧毀所有文化，亦可以用30年時間重建經濟，由糧票換取食物，到萬幾蚊盒月餅，由布票到國際品牌林立，超英趕英呢個口號原來用左幾10年‧‧‧不得不佩服，亦不得不感嘆

「工具本身係冇錯架」- 蔡瀾回應在節目介紹麻雀，會唔會鼓吹賭博

美女廚房 ─ 到底要播到幾時先可以停，但係媽媽又好有point wor, 佢話冇呢d節目，d所謂明星仲有d咩可以做，果然d師奶有智慧過我好多

Speed Dating

經常聽到嘅名詞，同朋友，同事提起，都會聽到話我有個friend參加過，好似真係好普遍咁，好喇，講完一大輪，想講嘅係我參加左人生第一次Speed Dating

個活動7:30開始，每人有一張異性嘅list，可以mark底你有佢興趣的異性，活動過後，Host會安排D Contact俾d互mark人，每pair人有3分鐘溝通時間，一共20pair人，即係話要響60mins入面不斷介紹自己20次, 仲要保持笑容，中途冇break，冇得拎野食，冇得去洗手間，費時好似唔太專重坐響你對面果個咁la~~~

好攪笑呀，個男仔一坐低，我就同佢講：我係11號Winc ar, 你幾多號ar，(點解要派label，又唔印埋個number 呢))

見聞如下：
9成都係第一次參加
6成都係約埋d朋友一齊參加
2成參加者係響會場附近返工
2成女仔做會計(D男仔同我講)
2成男仔做IT，2成做工程，好似有幾個係SALE
4成男仔都好?健談
1成男仔好怕醜，
0靚仔，不過都有5,6個靚女
同埋有2成以上似係做”媒/妹/梅”law

同埋發現原來我真係好嘈, 唔文靜，唔怕醜，仲有原來真係人地講咩我都可以搭到嘴，我會唔會真係太8卦呢，定係我真係應該轉行呢，做d要同人溝通嘅工作呢

。。。Bruno。。。

浮誇，爆笑，笑到拍晒大脾
當然有啲畫面真係好嚇人，可能預期之外啦

反而諗緊，如果響今時今日我要成名仲有咩方法，
當現時有blog已經可以做作家，肯穿三點式可以上C1，
又或者拍條片放上youtube，
甚至乎響Facebook開個反咩反咩嘅Group，就可以引起大眾關注，甚至上埋港聞版添
但係到底宜家有幾多人仲記得William Hung，Susan Boyle

只好講一句成名容易，持久難

烈女

一直在報章、雜誌的報導中，楊千嬅已經=烈女，爽朗，有主見，淨身自愛‧‧‧今日睇到一篇千嬅的訪問@蘋果日報，更令人感覺到呢位女子的幸福同埋直性子，

節錄金句如下：

• 烈女，梗係飲烈酒，不過宜家要飲熱茶
• 喜歡挑戰，願意豪賭一鋪，結果這局贏了
• 朋友話我儍，話我喺度玩火，遲早受傷害，我唔介意，我信自己嘅直覺
• 佢個人好鬼愛乾淨，仲有少少貪靚，第時同佢住，我死梗，有排要適應

同期出道的Kelly給人的感覺係公主，不是尋常人家，有一段距離，但係千嬅的直爽、拼勁，同埋果種間唔中說話有骨，係令人感受到果份真實，同埋一個問心聲、色、藝都唔係超班，但都可以紅足十多年，多多少少因為佢俾到觀眾一個幻想，只要你投入、付出，係會有回報架，一個人，最重要係自愛，零缺勿濫，終會遇上真愛，仲有就係，姐弟戀都唔一定係分手收場

哈利波特主題公園

@美國佛羅里達州邁阿密的奧蘭多環球影城

期待x2百萬呀！！！

電影由第一集到最終回，整整十年，終於當可以親歷其境，各地粉絲都會萬分興奮，明年目標“環球影城”

跑圈二三事

因為打風停左成個星期冇跑步(係係係，我認加埋懶)
小休之後有下列發現

• 秋天來了，今晚好大風呀，一地落葉&好涼爽，
• 因為今晚早左，原來好多人跑步架，有成廿幾人呀
• 著左一日高踭鞋，完全唔應該去跑，做緊熱身已經作抽筋，對腳痛到呢
• 今次加長左跑嘅時間，攰死人呀！！！
• 有d姐姐響跑道倒後行，上網查過原來有個倒行運動wor
• 運動場上除左跑步之外，仲有人練大聖劈掛，同埋步操

愛

當仍然著眼於感情未有著落，轉季想添置甚麼衣物的時候，友儕間已經默默地為社會作出大大小小的貢獻

多年前其中一位友人，助養山區小孩，去年又聽說某友募捐到鄉區建學校，剛又一位友人作出一項壯舉，由於不知道友人是否想公告此事，詳細不敍，但當知悉嘅時候，真係好感動，一直知道這種善行在進行，但未想過會發生在友人身上

相信此路並不容易，起首不易，走下去更加是無私的付出，實在深感佩服，亦令我明白咩為之無私的愛，衷心祝福生活愉快

大驚小怪

一直都不太懂照顧自己，頭痛了幾天，終於去睇醫生，休息一天之後，好像好了很多，今天食左早餐就開工la，10點鍾左右，就開始手震，頭暈，一件工作，要重複3,4次才可以完成，
係咁同朋友仔講，早知醫生d藥咁勁，今日放多日la，一直擾攘，心想不如下午都休假la，食完Lunch，eee好似好返好多wor

winc：下畫好返好多，都係唔走la
友：又話病到就死
winc: 唔知ar, 宜家好似冇咩野wor
友：你係唔係冇食野，頭暈ar
winc：我有食早餐bor
友：食咩
winc：咸餅乾3片，乳酸飲品1支
友：小姐，你之前果晚7點半已經食左dinner la wor
winc：關事咩
友：！！！

911

經友人提醒，原來已經8年，轉瞬間，回望呢段時間發生左d咩事呢，沙士，7.1，金融風暴、海嘯，布吉海嘯、雷曼‧‧‧搬了2次屋，轉了7份工，遊訪波士頓、紐約、曼谷、大阪、上海、北京

個人原地踏步，不過個社會都好似冇點進步，時日總要過，餘下日子要好好把握，不要再過8年仍處於同一狀況

不如我地從頭嚟過囉

何寶榮，黎耀輝
。。。春光乍洩。。。

已經係12年前嘅戲，今天又再重看，大隻嘅梁朝偉，風騷嘅哥哥，青蔥嘅張震，構成其中一齣最愛的戲

重看的感受如下：
●在愛你的人面前，可以放任，而有人無條件縱容，係一件好幸福嘅事
●一個人太寂寞，會做出一d反常嘅行為
●身邊總會發生一d令你不齒嘅事，但原來要到經歷過, 才會明白

999

2009年9月9日，今日好多人結婚呀，可能d新人貪好意頭，長長久久，又或者易記d啦，又話農曆7月唔可以結婚嘅~~~

好嘞，如果各位想結婚的話，下列日子都好型架

20.09.2009
20.10.2010
20.11.2011
20.12.2012

但係其實一個日子又係唔係咁重要呢，試問有幾多人唔係擇日結婚，而當中又有幾多人離婚丫，邊一日唔係響日曆上嘅唯一，珍惜目前，活在當下，最為重要

一時衝動

今朝返工，見到地鐵個燈箱廣告，

「聯合國兒童基金會慈善跑2009」

www.unicef.org.hk/runforchildren

路線：迪士皮渡假區
組別：半馬拉松(21.1km)，十公里，三公里
心諗：宜家都有跑開步，參加3公里，應該都可以應付到，好！返到公司報名先

一返到公司，立即上網報名，打打打入入入晒d資料先，Ee點解報唔到嘅，冇打錯資料丫，咩事呢！！！下！！！乜3公里唔係人人都可以報架咩，原來3公里只可以俾15歲以下人士參加，有冇攪錯，成年人唔可以跑咁架咩，天呀，好3公里同10公里都唔係好大分別，一不做2不休，10公里就10公里啦，報左先算

報完名有咩要follow，梗係通知各方好友做善事，贊助贊助啦，各位善長有心人，請主動同我聯絡，多多益善，少少就當鼓勵啦，贊助人捐款$100，可發收據，不過要俾地址

~~~計下先，平日跑一個圈300m，咁就跑開8~10個圈，死！！！到時會唔會完成唔到呢，大煲，要好好準備下，俾心機先得

。。。非誠勿擾。。。

葛優，舒淇

拍得北京同埋北海道都好靚，故事好簡單，可能個人偏好睇愛情小品啦，睇得好感動，好buy葛優果種說話冷冷嘅語調，舒淇遇上好對手，發揮出水準，一個好劇本係唔會存在地域界限，絕對值得花時間看的一齣戲

大結局

“十幾步呀，你小心呀”~絕代商驕~

因為黃子華，所以要追睇大結局，電視劇呢家野唔到你唔相，原本攪棟篤笑呢d小眾玩意(十多年前)，可能儲到10萬8萬觀眾，但係只要一拍電視劇，就可以令全港起碼1/3人識你‧‧‧

一個演員由電視，到舞台，回電視，再回到舞台，這段路令人不可不相信運數，行運的意思，是指在適當時候做適當嘅事，咁點樣可以令自己行好運呢，保持好心情，凡事體諒，包容，令自己心情好起來，笑口常開，就係咁簡單

全城熱話

東亞運動會，當然唔係啦，膚淺如我，梗係首推天王結婚啦，各大報章，娛樂雜誌都環繞一個葬禮三個婚禮，咁到底唔公開其實又有咩問題呢，怪只怪一個謊言要以另一個謊言去補救，實在替當時人尷尬

其實幾時可以有其他新聞，宜家開始有d悶

Vero

@分域碼頭

有幸一嚐70% 的Hot Chocolate，沒想像中甜蜜，但絕對香濃，濃的程度係根本飲唔晒，可能天氣太熱，又可能冷氣風口太強烈，或者等天氣轉冷，再擇日再訪。

一直都喜歡飲朱古力，小時家中常備吉百利的朱古力粉，可以沖出最濃的熱朱古力，仲要加入鮮奶，又香又滑，諗起都想去沖返杯。而每次飲UCC的熱朱古力都可以感覺得到甜蜜，凍的則會揀Starbucks又或者Godiva，一定要加好多好多的Cream做Topping，一啖咬落去，完全咩都諗到，只會浮現一個sweet sweet 的笑容，萬試萬靈

而最愛的始終係Godiva嘅Raisin Fine Champagne，包裝如一粒綠寶石嘅酒心朱古力，每次品嚐都有超幸福嘅感覺，仍然未遇到其他代替品，不過經驗所得，別人送上的遠較自己去買的可口

近又吉列黑豚專賣店

@朗豪坊

終於一試呢間主打吉列黑豚的食店，定食價錢比Tonkichi貴小小，話分兩頭，我覺得Tonkichi普普通通，以前Key West個咖哩豬扒飯，就真係冇敵！

咁呢間呢，吉列方面，脆漿幾好，唔油，又夠脆夠熱，所以覺得都幾滿意，而豬扒唔可以肯定係唔係貨真價實日本進口貨啦，不過都可以話夠鬆軟，唔乾身，及格有餘

最開心其實係個過程，一坐低就有碗仔俾你磨芝麻，一路聞住啲芝麻味，已經加左分la，跟手枱上仲有一樽青瓜汁，酸味味，好清新；一樽蘋果汁，少少甜，呢兩支汁都可以用黎拌椰菜絲，真係好好味

如果有朋友想食吉列豬豬，我一定會介紹佢去，希望可以保持到個水準la

堅持

堅持一件事真係唔容易，跑步如是，寫blog如是，開始易、放棄更易，
但係要維持就難！難！難！

曾經因為一個念頭而放棄了某些事，某些人，過了一段時間，開始懷疑、否定當天的我，但當重新整理之後，明白到應該要相信自己，堅持自己所相信的，才不枉當天的第一步，走出謎團的感覺真好

。。。霜花店。。。

睇完之後，心情一直未平復，全部人都只不過係一隻棋子，看似每個人都有選擇，但只不過按他人擺佈，愛得咁激烈，到底係出於真心，定都只不過是一場計算，不能放手，係因為不捨，或只因不甘心被背叛‧‧‧

。。。醉爆伴郎團。。。

上左畫幾個星期都仲係全院滿座，勁呀！

個故事大綱係幾個男人飲大左，一覺瞓醒個新郎哥失左蹤，由於飲醉左，劇情可以不按牌章，天馬行空，所有事都可以不合情理，但係都有合理解釋，所以都幾好笑，個結局係可以令觀眾笑住口散場，絕對算係一齣成功嘅笑片。

如果有見過朋友或者自己試過飲到斷片，相信會笑得更盡情
如果你未結婚又俾個女友食住，相信會一路笑一路喊

做好一件事

有幾多人會明白做好一件事，與做完一件事當中嘅分別呢，
做完一件事，就是按要求完成，就可以了
但要做得好，往往要付出更大的心力，更多時間，想得更多‧‧‧
未能做好一件事，到底是能力不足，還是根本只願意做完一件事

神奇凝冰

終於一試Coca~Cola神奇凝冰，好玩呀，不過因為第一次幫襯，捉唔到個繞門，只可以凝到一層簿冰，仲一啖飲晒添，攪到得一take，之後成支同平時飲開的一樣，哈哈，應該支汽水多d泡，就可以凝多d冰。不過$10支有d唔抵，朋友仔話平時d汽水放入冰格，都可以有同一效果喎!!!!試下先得~~~

Run Ran Run

買左對波鞋2個星期，終於新鞋落地，的起心肝跑步去！！！

大概有3年冇正正式式落運動場跑步，重拾波鞋嘅最大原因係，
好想好想流汗

當跑到滿身大汗，好像所有煩惱都隨此流走，個感覺真係好爽
運動係暫忘麻煩嘅好方法，當只專注呼吸，步伐，根本就沒有空間去再想其他

另外運動可以令大腦分泌多巴胺，令人心情愉快，仲可以預防柏金遜症添

Happy Birthday to U

Happy Birthday to U,

Hope all your wishes come true!!!!

。。。反轉豬腩是王子。。。

終於等到出碟嘞，當日上畫搵左軟硬配音，呢齣日本賣座喜劇，故事十分簡單，一套著左可以令人由醜變靚嘅老西，一貫日本漫畫式演繹，

很喜歡當中的一句，一個最容易被遺忘嘅擇偶條件

“只要在一起時，可以做回自己，可以盡情大笑，這就是真愛”

但能遇上亦要靠十二萬分運氣

陽光

聽聞常時間缺乏陽光，會令人情緒低落，容易憂鬱，終於等到8月份第一個的陽光假日，可能太耐冇接觸過太陽，居然選擇響烈日下散步，下午2時多與友人在花墟閒逛

進出大小花店，欣賞不同的陳設，多左好多唔知咩名嘅花啊，嘩！花墟居然有蔬果賣，仲要係賣有機嗰隻~~~真係與時並進，為左報答無懼中暑陪我閒逛嘅友人，嘅32度高溫下，送了友人一底熱辣辣雞蛋仔！！！

。。。緣份初到埗。。。

一個總公司嘅高層要員，日常只會著眼公司嘅P&L，有一日開會俾人擺上枱，去一個得萬幾人嘅小鎮殺廠，仲要冰天雪地，冇朋友，冇助手，孤身上路‧‧‧

笑料主要來自城市人初到偏遠地區，一齣以現代包裝嘅童話故事(即係老土劇情la)，輕輕鬆鬆個半鐘，響屋企煲碟，唔使坐定定，都可以殺下時間，(當然有得揀，會提議揀其他)

好喜歡其中一幕，老細問有冇人自願去重整間廠，個個即時扮睇file，最後由同老細有眼神接觸嘅女主角舉手，哈哈，全世界開會都係咁囉

。。。大犯罪家。。。

一上晝已經已經等唔切，即刻去睇嘅一齣戲，好明顯因為Johnny Depp，太耐冇見過佢塊面乾乾淨淨嘞，一位唔甘心做靚仔嘅靚仔，仲有之前睇過片頭，嘩好型呀！！！

未上映，幾本雜誌不停介紹，故事背景，美國大蕭條，銀行大盜，越獄‧‧‧上晝第一日，飛身入場，全院滿座。講咁多未上映之前嘅嘢，都可以估到，未出發先興奮，就係呢款，原本以為係一齣英雄片，但睇完之後發現，時不與我，虎落平壤，強迫症患者=大盜John Dillinger，槍戰場面好嘈，好長，好多，談情，令我想起斯德哥而摩侯群症，係期望太大，定係入場之前睇得太多課外讀物‧‧‧‧可能最有問題嗰個係自己

。。。竊聽風雲。。。

好一齣戲港產片，接近9成演員都可以講得出名的香港演員呀，(如果你有睇開無記的話)，有唔多拍戲李子雄，初登大銀幕嘅陸詩韻，陳偉霆，見慣的王敏德，方中信‧‧‧唔會係見慣嘅林家楝&林雪



戲情中規中矩啦，(去戲院始終要求會高少少)，故事結構清清楚楚，合情合理，唔會好失望，但係又冇咩驚喜，一直好喜歡劉青雲，唔係靚仔，不過演每齣戲都會令觀眾感受到佢嗰份認真，總括而言，宜家d港產片為左配合可以在內地上映，劇情難免要作出配合，入場前有心理準備會好d

。。。沖天救兵。。。

好多人話沖天救兵開頭15分鐘好感動，
雖然我都認同，
不過我覺得去到末段，
當卡叔翻過太太最想完成的事，
發現原來大家已經完成了很多很多，
呢個係令我最感動嘅情節。

做任何事情如果能夠享受當中嘅過程，
結局是否如心中所想，
都已經是一個好的經歷

。。。靈靈狗。。。

一心想睇一部唔用腦嘅戲，首選梗係醉爆伴郎團，唔知係唔係股票勁升，居然search左10間院，10間都係得返頭2行，都話宜家睇戲唔可以即日買飛la，仲要想買星期二，妄想‧‧‧

唯有支持香港電影，不過除左古天樂，吳君如，陳子聰，樊少皇之外，其他演員都應該係國內嘅，呢部戲到底仲算唔算港產片？？？

講返部戲，係因為我年紀大，定係睇得太多周星馳，居然我覺得我睇緊一部功夫片，多過睇緊笑片囉，武打場面確實設計得唔錯，笑位都有，由其係洗頭果段，其他嘅都只可以話，唔好唔大期望好啲

冇記性

到底一個人何為之冇記性，
經常忙記帶銀包、鎖匙，
忙記老板上司嘅吩咐，
忙記家人、女朋友的生日，
忙記約會的時間，
忙記口頭承諾
忙記新仇舊恨‧‧‧

不能牢記，只因不在意，不在乎，不上心　
不要再為自己添藉口

迎新

到底呢個世界有幾多,
係利用辦公時間lai寫blog嘅呢