郊遊樂

天朗氣清，最好節目莫過於郊遊，今次目的地 ─ 嘉道理農場

跟友人又火車，又巴士，終於去到目的地﹝已經下午2點幾﹞好開心呀，好多動物，有家豬，野豬，仲有貓頭鷹，同鱷魚添‧‧‧原來嘉道理農場佔地好大架，除左動物之外，仲有一個大山頭，大瀑布 & 農地，種左好多有機菜，同埋香草，如果一早去，仲可以坐接駁車，直接上到山頂，慢慢行落山，幾咁優遊

以上全部係入口處，服務員姐姐拎住張地圖介紹，10蚊入場，經濟又實惠，未出發，先興奮

如果宜家係春天，又或者夏天，應該以上全部都有，可惜太凍喇，所有爬蟲類都要冬眠，同埋D樹又黃又乾，瀑布又同個銀包一樣咁缺水，加埋太晏出發，接駁車的車票已經派晒，哈哈，不過都可以見到午餐肉包裝紙上的大花豬，好大隻呀，有成四五尺高，肚皮貼晒地，好攪笑，明年夏天再去一次，我想睇鱷魚同瀑布呀！！！